രാഹുലിന്റെ ഫോൺ ഓണായി; വലവിരിച്ച് പോലീസ്
തിരുവനന്തപുരം: പീഡനക്കേസിൽ പ്രതിയായ രാഹുൽ മാങ്കൂട്ടത്തിൽ എംഎൽഎയെ പിടികൂടാനുള്ള നീക്കവുമായി അന്വേഷണ സംഘം. കർണാടക ഉൾപ്പടെയുള്ള സ്ഥലങ്ങളിൽ രാഹുലിനായി തെരച്ചിൽ തുടരുകയാണ്.
ഇത്ര ദിവസമായിട്ടും രാഹുലിനെ പിടികൂടാൻ കഴിയാത്തതിൽ പോലീസിനെതിരെ കടുത്ത വിമർശനം ഉയർന്നിട്ടുണ്ട്. അതേസമയം മുൻ കൂർ ജാമ്യപേക്ഷ തള്ളിയതിനു പിന്നാലെ രാഹുലിന്റെ ഒരു ഫോൺ ഓണായി. ഇതിന്റെ ലൊക്കേഷൻ കേന്ദ്രീകരിച്ചാണ് ഇപ്പോൾ അന്വേഷണം നടക്കുന്നത്.
കോടതിയും പാർട്ടിയും കൈവിട്ടതോടെ ഒളിവു ജീവിതം അവസാനിപ്പിച്ച് കീഴടങ്ങാനുള്ള ശ്രമങ്ങൾ രാഹുലിന്റെ ഭാഗത്തുനിന്ന് ഉണ്ടാകുമെന്നും സൂചനയുണ്ട്. ജാമ്യം തേടി ഹൈക്കോടതിയെ സമീപിക്കാനുള്ള നീക്കവും അഭിഭാഷകർ നടത്തുന്നുണ്ട്.
Leave A Comment