മണിപ്പുരിൽ വീണ്ടും സംഘർഷം
ഇംഫാൽ: മണിപ്പുരിൽ വീണ്ടും സംഘർഷം. ബിഷ്ണുപുർ-ചുരാചന്ദ്പുർ അതിർത്തി മേഖലയിലാണ് വെടിവയ്പുണ്ടായത്. താങ്ബുവിൽ നിരവധി വീടുകൾക്ക് തീവച്ചു. ആളുകൾ കൊല്ലപ്പെട്ടതായി റിപ്പോർട്ടില്ല.ഇതിനിടെ, ഇംഫാല്‍ ഈസ്റ്റ് ജില്ലയിലെ സാവോംബംഗ് പ്രദേശത്ത് യുവതിയെ വെടിവച്ച് കൊന്നതിന് ശേഷം മുഖം വികൃതമാക്കി. ആയുധധാരികളായ അക്രമികള്‍ ഇവരുടെ വീട്ടില്‍ വച്ചാണ് കൃത്യം നടത്തിയത്.
മാറിംഗ് നാഗ സമുദായത്തിൽപ്പെട്ടതാണ് മരിച്ച യുവതി. ഇവർക്ക് മാനസിക പ്രശ്നമുണ്ടെന്നാണ് സൂചന. ഈ മേഖലയുടെ നിയന്ത്രണം മണിപ്പുർ പോലീസ് ഏറ്റെടുത്തു. ആക്രമികളെ കണ്ടെത്താൻ പോലീസ് പരിശോധന തുടങ്ങി.
Leave A Comment