വൈ​പ്പി​ൻ: വി​വാ​ഹ അ​ഭ്യ​ർ​ഥ​ന​യു​മാ​യി പെ​ൺ​കു​ട്ടി​യു​ടെ വീ​ട്ടി​ലെ​ത്തി​യ ബ​സ് ക​ണ്ട​ക്ട​റാ​യ യു​വാ​വ് പെ​ൺ​കു​ട്ടി​യു​ടെ പി​താ​വി​നെ വീ​ടു​ക​യ​റി ആ​ക്ര​മി​ച്ചു. പി​താ​വി​നെ സ​മീ​പി​ച്ച് മ​ക​ളെ കെ​ട്ടി​ച്ചു ത​ര​ണ​മെ​ന്ന് ആ​വ​ശ്യ​പ്പെ​ട്ട​പ്പോ​ൾ നി​ര​സി​ച്ച​താ​ണ് ആ​ക്ര​മ​ണ​ത്തി​നു കാ​ര​ണം.

സം​ഭ​വ​ത്തി​ൽ കൊ​ടു​ങ്ങ​ല്ലൂ​ർ മേ​ത്ത​ല സ്വ​ദേ​ശി പ​റ​വൂ​ർ വ​ട​ക്കേ​ക്ക​ര ച​ക്കു​മ​ര​ശേ​രി​യി​ൽ വാ​ട​ക​യ്‌​ക്ക് താ​മ​സി​ക്കു​ന്ന മേ​പ്പ​റ​മ്പ് ആ​ഷി​കി​നെ -23 മു​ന​മ്പം പോ​ലീ​സ് അ​റ​സ്റ്റ് ചെ​യ്തു. തി​രു​വോ​ണ ദി​വ​സം രാ​ത്രി എ​ട്ടോ​ടെ അ​യ്യ​മ്പി​ള്ളി മ​ന​പ്പി​ള്ളി റോ​ഡ് ഭാ​ഗ​ത്തു​ള്ള വീ​ട്ടി​ലാ​ണ് സം​ഭ​വം. പ്ര​തി ഇ​ടി​വ​ള​കൊ​ണ്ട് നെ​ഞ്ചി​നാ​ണ് ഇ​ടി​ച്ച​ത്. കൂ​ടാ​തെ മ​ക​ളെ വി​വാ​ഹം ചെ​യ്തു ത​ന്നി​ല്ലെ​ങ്കി​ൽ ജീ​വി​ക്കാ​ൻ അ​നു​വ​ദി​ക്കി​ല്ലെ​ന്ന് ഭീ​ഷ​ണി​യും മു​ഴ​ക്കി.

വീ​ട്ടു​കാ​ർ ബ​ഹ​ളം വ​ച്ച​തി​നെ​തു​ട​ർ​ന്ന് ഓ​ടി ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി​യെ നാ​ട്ടു​കാ​ർ ത​ട​ഞ്ഞു​വ​യ്‌​ക്കു​ക​യാ​യി​രു​ന്നു. തു​ട​ർ​ന്ന് മു​ന​മ്പം പോ​ലീ​സെ​ത്തി പ്ര​തി​യെ ക​സ്റ്റ​ഡി​യി​ലെ​ടു​ത്തു. ഭ​വ​ന ഭേ​ദ​നം, ദേ​ഹോ​പ​ദ്ര​വം ഏ​ൽ​പ്പി​ക്ക​ൽ തു​ട​ങ്ങി​യ വ​കു​പ്പു​ക​ൾ ചേ​ർ​ത്ത് കേ​സെ​ടു​ത്ത് അ​റ​സ്റ്റ് രേ​ഖ​പ്പെ​ടു​ത്തി കോ​ട​തി​യി​ൽ ഹാ​ജ​രാ​ക്കി.

വൈ​പ്പി​ൻ റൂ​ട്ടി​ലെ സാ​ധി​ക, യാ​സി​ൻ എ​ന്നീ സ്വ​കാ​ര്യ ബ​സു​ക​ളി​ൽ ക​ണ്ട​ക്ട​റാ​യി ജോ​ലി ചെ​യ്തു​വ​രു​ന്ന പ്ര​തി പെ​ൺ​കു​ട്ടി ബ​സി​ൽ ക​യ​റു​ന്ന പ​രി​ച​യം വ​ച്ചാ​ണ് വീ​ട്ടി​ലെ​ത്തി​യ​തെ​ന്ന് പോ​ലീ​സ് പ​റ​ഞ്ഞു. പ​റ​വൂ​ർ പോ​ലീ​സ് സ്റ്റേ​ഷ​നി​ൽ അ​ടി​പി​ടി​ക്കേ​സി​ൽ പ്ര​തി​യാ​യ ക​ണ്ട​ക്ട​ർ 10 കി​ലോ ക​ഞ്ചാ​വു​മാ​യി ആ​ന്ധ്ര​യി​ൽ പി​ടി​യി​ലാ​കു​ക​യും ഒ​ന്ന​ര വ​ർ​ഷം ജ​യി​ൽ​ശി​ക്ഷ അ​നു​ഭ​വി​ക്കു​ക​യും ചെ​യ്തി​ട്ടു​ള​ള​താ​യി പോ​ലീ​സ് അ​റി​യി​ച്ചു.