ഷൂട്ടിങ് സംഘത്തിന്റെ കാറിന് നേരെ കാട്ടാന ആക്രമണം
ചാലക്കുടി: കാനനപാതയില്‍ വീണ്ടും ഒറ്റയാന്റെ പരാക്രമണം. ഷൂട്ടിങ് സംഘത്തിന്റെ കാറിന് നേരെയാണ് കാട്ടാന ഓടിയടുത്തത്. കണ്ണംകുഴി ക്ഷേത്രത്തിന് സമീപം ചൊവ്വാഴ്ച രാവിലെ 6 ഓടെയായിരുന്നു സംഭവം.
കാറിന്റെ ഇടതുഭാഗം കൊമ്പുകൊണ്ട് കുത്തിപൊക്കി പിന്നീട് താഴെയിടുകയും ചെയ്തു. അതിരപ്പിള്ളിയിലെ ഷൂട്ടിങ് സെറ്റിലേക്ക് പോകുന്നതിനിടെ അപ്രതീക്ഷിതമായി റോഡിലേക്ക് ഓടികയറിയ ആന വാഹനത്തിന് നേരെ തിരിയുകയായിരുന്നു. വനംവകുപ്പ് ഉദ്യോഗസ്ഥരെത്തിയാണ് ആനയെ ഓടിച്ചുവിട്ടത്.
Leave A Comment