നെ​ടു​മ്പാ​ശേ​രി: കു​ന്നു​ക​ര പ​ഞ്ചാ​യ​ത്ത് ജ​ന​പ്ര​തി​നി​ധി​ക​ളും നാ​ട്ടു​കാ​രും പി​ടി​കൂ​ടി പോ​ലീ​സി​ൽ ഏ​ൽ​പ്പി​ച്ച മാ​ലി​ന്യം ക​യ​റ്റി​യ വാ​ഹ​ന​ത്തി​നെ​തി​രെ ന​ട​പ​ടി​യാ​വ​ശ്യ​പ്പെ​ട്ട് ച​ർ​ച്ച​യ്ക്കെ​ത്തി​യ വ​നി​താ പ​ഞ്ചാ​യ​ത്ത് പ്ര​സി​ഡ​ന്‍റി​നോ​ട് അ​പ​മ​ര്യാ​ദ​യാ​യി പെ​രു​മാ​റി​യ സി​ഐ​യ്ക്കെ​തി​രേ ന​ട​പ​ടി​യാ​വ​ശ്യ​പ്പെ​ട്ട് ജ​ന​പ്ര​തി​നി​ധി​ക​ൾ ചെ​ങ്ങ​മ​നാ​ട് പോ​ലീ​സ് സ്റ്റേ​ഷ​ന് മു​ന്നി​ൽ കു​ത്തി​യി​രി​പ്പ് പ്ര​തി​ഷേ​ധം സം​ഘ​ടി​പ്പി​ച്ചു.

കു​ന്നു​ക​ര പ​ഞ്ചാ​യ​ത്ത് പ്ര​സി​ഡ​ന്‍റ് സൈ​ന ബാ​ബു, വൈ​സ് പ്ര​സി​ഡ​ന്‍റ് എം.​എ.​അ​ബ്ദു​ൽ ജ​ബ്ബാ​ർ, ക്ഷേ​മ​കാ​ര്യ സ്ഥി​രം​സ​മി​തി അ​ധ്യ​ക്ഷ​ൻ ഷി​ബി പു​തു​ശേ​രി, വി​ക​സ​ന​കാ​ര്യ സ്ഥി​രംസ​മി​തി അ​ധ്യ​ക്ഷ സി​ജു വ​ർ​ഗീ​സ്, പ​ഞ്ചാ​യ​ത്തം​ഗ​ങ്ങ​ളാ​യ എ.​ബി. മ​നോ​ഹ​ര​ൻ, ജി​ജി സൈ​മ​ൺ, വി.​ബി. ഷ​ഫീ​ഖ് എ​ന്നി​വ​രാ​ണ് സി​ഐ​ക്കെ​തി​രെ മാ​തൃ​കാ​പ​ര​മാ​യ ന​ട​പ​ടി ആ​വ​ശ്യ​പ്പെ​ട്ട് പ്ര​തി​ഷേ​ധി​ച്ച​ത്.

ഇ​വ​ർ​ക്ക് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് ചെ​ങ്ങ​മ​നാ​ട് പ​ഞ്ചാ​യ​ത്ത് പ്ര​സി​ഡ​ന്‍റ് സെ​ബ മു​ഹ​മ്മ​ദ​ലി​യും നെ​ടു​മ്പാ​ശേ​രി പ​ഞ്ചാ​യ​ത്ത് പ്ര​സി​ഡ​ന്‍റ് പി.​വി. കു​ഞ്ഞും ബ്ലോ​ക്ക് പ​ഞ്ചാ​യ​ത്തം​ഗം ദി​ലീ​പ് ക​പ്ര​ശേ​രി​യും ചെ​ങ്ങ​മ​നാ​ട് ഗ്രാ​മ പ​ഞ്ചാ​യ​ത്തം​ഗം സി.​എ​സ്. അ​സീ​സും സ്റ്റേ​ഷ​നു മു​ന്നി​ലെ കു​ത്തി​യി​രു​പ്പ് പ്ര​തി​ഷേ​ധ​ത്തി​ൽ പ​ങ്ക് ചേ​ർ​ന്നു.

കു​ന്നു​ക​ര പ​ഞ്ചാ​യ​ത്തി​ലെ പ​ന്നി ഫാ​മി​ന്‍റെ പ്ര​വ​ർ​ത്ത​നം നി​ർ​ത്തി​വെ​യ്ക്ക​ണ​മെ​ന്നാ​വ​ശ്യ​പ്പെ​ട്ട് പ​ഞ്ചാ​യ​ത്ത് സെ​ക്ര​ട്ട​റി ഫാം ​ഉ​ട​മ​യ്ക്ക് സ്റ്റോ​പ് മെ​മ്മോ ന​ൽ​കു​ക​യും 50,000 രൂ​പ പി​ഴ അ​ട​യ്ക്കു​ന്ന​തി​ന് നോ​ട്ടീ​സ് ന​ൽ​കു​ക​യും ചെ​യ്തി​രു​ന്നു. അ​തി​നി​ടെ​യാ​ണ് തി​ങ്ക​ളാ​ഴ്ച വൈ​കി​ട്ട് വീ​ണ്ടും ഫാ​മി​ലേ​ക്ക് വാ​ഹ​ന​ത്തി​ൽ അ​സ​ഹ്യ​മാ​യ ദു​ർ​ഗ​ന്ധം വ​മി​ക്കു​ന്ന മാം​സാ​വ​ശി​ഷ്ട​മ​ട​ക്ക​മു​ള്ള മാ​ലി​ന്യ​മെ​ത്തു​ക​യും നാ​ട്ടു​കാ​രും പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റും ക്ഷേ​മ​കാ​ര്യ സ്ഥി​രം​സ​മി​തി അ​ധ്യ​ക്ഷ​നും മ​റ്റും ചേ​ർ​ന്ന് കൈ​യോ​ടെ പി​ടി​കൂ​ടു​ക​യും ചെ​യ്ത​ത്. എ​ന്നാ​ൽ വാ​ഹ​നം ക​സ്റ്റ​ഡി​യി​ലെ​ടു​ക്കാ​ൻ ചെ​ങ്ങ​മ​നാ​ട് പോ​ലീ​സ് ത​യാ​റാ​യി​ല്ല.

ചൊ​വ്വാ​ഴ്ച രാ​വി​ലെ പ​ഞ്ചാ​യ​ത്ത് പ്ര​സി​ഡ​ന്‍റും പ്ര​തി​പ​ക്ഷ അം​ഗം ഉ​ണ്ണി​കൃ​ഷ്ണ​ൻ അ​ട​ക്ക​മു​ള്ള ജ​ന​പ്ര​തി​നി​ധി​ക​ളും ഉ​ദ്യോ​ഗ​സ്ഥ​രും സ്റ്റേ​ഷ​നി​ലെ​ത്തി​യ​പ്പോ​ൾ വാ​ഹ​ന​ത്തി​നെ​തി​രേ കേ​സെ​ടു​ക്കാ​ൻ പോ​ലീ​സ് ത​യാ​റാ​യി​ല്ല. അ​തോ​ടെ പു​റ​ത്ത് പോ​യി​രു​ന്ന സി​ഐ ബ്രി​ജു​കു​മാ​റി​നെ പ്ര​സി​ഡ​ന്‍റ് ഫോ​ണി​ൽ ബ​ന്ധ​പ്പെ​ട്ടു. അ​തോ​ടെ​യാ​ണ് കേ​സെ​ടു​ക്കാ​നാ​കി​ല്ലെ​ന്നും, അ​ത് ത​ങ്ങ​ളു​ടെ പ​ണി അ​ല്ലെ​ന്നു​മാ​യി​രു​ന്നു​മാ​യി​രു​ന്നു​വ​ത്രെ മ​റു​പ​ടി. തുടർന്നാണ് സി​ഐ​ക്കെ​തി​രെ ന​ട​പ​ടി​യാവ​ശ്യ​പ്പെ​ട്ട് ജ​ന​പ്ര​തി​നി​ധി​ക​ൾ സ്റ്റേ​ഷ​ന് മു​ന്നി​ൽ കു​ത്തി​യി​രി​പ്പ് പ്ര​തി​ഷേ​ധം സം​ഘ​ടി​പ്പി​ച്ച​ത്.

തുടർന്ന് അൻവർ സാദത്ത് എം​എ​ൽ​എ, ആ​ലു​വ ഡി​വൈ​എ​സ്പി പി.​കെ. ശി​വ​ൻ​കു​ട്ടി​യു​മാ​യി ബ​ന്ധ​പ്പെ​ടു​ക​യും താ​നും സ്റ്റേ​ഷ​നി​ലെ​ത്തി സ​മ​ര​ത്തി​ൽ പ​ങ്കാ​ളി​യാ​കു​മെ​ന്നും സ​മ​രം കൂ​ടു​ത​ൽ ശ​ക്ത​മാ​ക്കു​മെ​ന്നും മു​ന്ന​റി​യി​പ്പ് ന​ൽ​കി​യ​തോ​ടെ ഡി​വൈ​എ​സ്പി ഉ​ട​ന​ടി സ്റ്റേ​ഷ​നി​ലെ​ത്തി ജ​ന​പ്ര​തി​നി​ധി​ക​ളു​മാ​യി ച​ർ​ച്ച ന​ട​ത്തു​ക​യാ​യി​രു​ന്നു.

മാ​ലി​ന്യം ക​യ​റ്റി​യ വാ​ഹ​നം കേ​സെ​ടു​ത്ത് കോ​ട​തി​ക്ക് കൈ​മാ​റു​മെ​ന്നും ഫാം ​ഉ​ട​മ​യ്ക്കെ​തി​രെകേ​സെ​ടു​ക്കു​മെ​ന്നും മോ​ശ​മാ​യി പെ​രു​മാ​റി​യ സി​ഐ​യ്ക്കെ​തി​രേ മാ​തൃ​കാ​പ​ര​മാ​യി ന​ട​പ​ടി സ്വീ​ക​രി​ക്കു​മെ​ന്നും ഉ​റ​പ്പ് ന​ൽ​കി​യ ശേ​ഷ​മാ​ണ് ജ​ന​പ്ര​തി​നി​ധി​ക​ൾ സ​മ​രം അ​വ​സാ​നി​പ്പി​ച്ച​ത്.