എറിയാട് വ്യാജ മദ്യ വില്പന; പ്രതിയെ കുരുക്കി എക്‌സൈസ്
കൊടുങ്ങല്ലൂർ: എറിയാട് നടന്ന വ്യാജ മദ്യ വില്പന എക്‌സൈസ് പിടികൂടി.
എറിയാട് ചൈതന്യ നഗർ ഭാഗത്ത് നിന്നുമാണ് വില്പനയ്ക്കായി സൂക്ഷിച്ച 10 ലിറ്റർ മദ്യം കൊടുങ്ങല്ലൂർ എക്‌സൈസ് റേഞ്ച് ഇൻസ്‌പെക്ടർ എം ഷാoനാഥ്‌ സംഘവും പിടികൂടിയത്. ചൈതന്യ തണ്ടാംപറമ്പിൽ വീട്ടിൽ ശശിധരൻ മകൻ ജിനു (41) വിനെയാണ് എക്‌സൈസ് സംഘം അറസ്റ്റ് ചെയ്തു.
ഒന്നാം തീയതിയിൽ മദ്യ ഷോപ്പുകൾ അവധി ആയതിനാൽ അമിത ലാഭത്തിൽ വ്യാപകമായി മദ്യം വിറ്റഴിക്കാനുള്ള ശ്രമത്തിലാണ് പ്രതി പിടിയിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
എക്‌സൈസ് സംഘത്തിൽ പ്രിവന്റീവ് ഓഫീസർമാരായ ബെന്നി.പി. വി, ശിവൻ.സി.വി, ഇന്റലിജൻസ് ഓഫീസർ പി.ആർ സുനിൽകുമാർ., സിവിൽ എക്‌സൈസ് ഓഫീസർമാരായ എസ് അഫ്സൽ , രിഹാസ്.എ.എസ്, വനിതാ സിവിൽ എക്‌സൈസ് ഓഫീസർ ഇ.ജി സുമി. എന്നിവരും ഉണ്ടായിരുന്നു.
Leave A Comment