• Login / Register
    • ക്രൈം

    തൃ​ശൂ​രി​ൽ ഇന്നലെ മൂ​ന്നി​ട​ങ്ങ​ളി​ൽ ക​ത്തി​ക്കു​ത്ത്; 2 പേ​ർ മ​രി​ച്ചു, ഒ​രാ​ളുടെ നില ഗു​രു​തരം

    തൃ​ശൂ​ർ: ഓ​ണാ​ഘോ​ഷ​ത്തി​നി​ടെ ജി​ല്ല​യെ ഭീ​ക​രാ​ന്ത​രീ​ക്ഷ​ത്തി​ലാ​ഴ്ത്തി വി​വി​ധ​യി​ട​ങ്ങ​ളി​ൽ ര​ണ്ടു​പേ​ർ ക​ത്തി​ക്കു​ത്തി​ൽ കൊ​ല്ല​പ്പെ​ട്ടു. ഒ​രാ​ൾ​ക്കു ഗു​രു​ത​ര പ​രി​ക്കേ​റ്റു. ചി​യ്യാ​രം റെ​യി​ൽ​വേ ട്രാ​ക്കി​നു സ​മീ​പ​വും മൂ​ർ​ക്ക​നി​ക്ക​ര​യി​ലും അ​ന്തി​ക്കാ​ട് മു​റ്റി​ച്ചൂ​രി​ലു​മാ​ണു ക​ത്തി​ക്കു​ത്തു​ണ്ടാ​യ​ത്.

    പൂ​ത്തോ​ൾ പി​ആ​ൻ​ഡ്ടി ക്വാ​ർ​ട്ടേ​ഴ്സി​ൽ താ​മ​സി​ക്കു​ന്ന വെ​ണ്ട​റ വീ​ട്ടി​ൽ ക​രു​ണാ​മ​യ​നെ​യാ​ണു (വി​ഷ്ണു-25) ചി​യ്യാ​രം റെ​യി​ൽ​വേ ട്രാ​ക്കി​നു സ​മീ​പം കു​ത്തേ​റ്റു മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. ഇ​ന്നലെ വൈ​കു​ന്നേ​രം നാ​ലേ​കാ​ലോ​ടെ​യാ​ണു സം​ഭ​വം.

    ര​ക്തം വാ​ർ​ന്ന നി​ല​യി​ൽ പ​രി​സ​ര​വാ​സി​ക​ളാ​ണ് ഇ​യാ​ളെ റെ​യി​ൽ​വേ ട്രാ​ക്കി​നോ​ടു ചേ​ർ​ന്ന ഇ​ട​വ​ഴി​യി​ൽ ക​ണ്ടെ​ത്തി​യ​ത്. ഉ​ട​ൻ കൂ​ർ​ക്ക​ഞ്ചേ​രി എ​ലൈ​റ്റ് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചു. കു​ത്താ​നു​പ​യോ​ഗി​ച്ച​തെ​ന്നു ക​രു​തു​ന്ന ക​ത്തി​യു​ടെ ഉ​റ സ​മീ​പ​ത്തു​നി​ന്ന് ക​ണ്ടെ​ത്തി.

    തൃ​ശൂ​ർ എ​സി​പി സ​ജീ​വി​ന്‍റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ചു. ഒ​ട്ടേ​റെ ക്രി​മി​ന​ൽ കേ​സി​ലെ പ്ര​തി​യാ​ണ് ഇ​യാ​ളെ​ന്നും, കാ​പ്പ ചു​മ​ത്തി നാ​ടു​ക​ട​ത്തി​യ ഇ​യാ​ൾ ശി​ക്ഷാ​കാ​ലാ​വ​ധി ക​ഴി​ഞ്ഞ് തി​രി​ച്ചെ​ത്തി​യ​താ​ണെ​ന്നും പോ​ലീ​സ് പ​റ​ഞ്ഞു. ഗു​ണ്ടാ​പ്പ​ക​യാ​ണു കൊ​ല​പാ​ത​ക​ത്തി​നു കാ​ര​ണ​മെ​ന്നും പ്ര​തി​ക​ളെ​ക്കു​റി​ച്ച് സൂ​ച​ന ല​ഭി​ച്ച​താ​യും പോ​ലീ​സ് പ​റ​ഞ്ഞു.

    മൂ​ർ​ക്ക​നി​ക്ക​ര​യി​ൽ ഇന്നലെ രാ​ത്രി ഏ​ഴോ​ടെ ദേ​ശ​ക്കു​മ്മാ​ട്ടി മ​ഹോ​ത്സ​വ​ത്തി​നി​ടെ​യാ​ണു മ​റ്റൊ​രു കൊ​ല​പാ​ത​കം ന​ട​ന്ന​ത്. മു​ള​യം ചീ​ര​ക്കാ​ട് സ്വ​ദേ​ശി അ​ഖി​സാ​ണു (28) കൊ​ല്ല​പ്പെ​ട്ട​ത്. കൂ​ടെ​യു​ണ്ടാ​യി​രു​ന്ന​വ​ർ ഇ​യാ​ളെ തൃ​ശൂ​ർ ജ​ന​റ​ൽ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചു.

    ക​ഞ്ചാ​വ് മാ​ഫി​യ​ക​ൾ ത​മ്മി​ലു​ള്ള ത​ർ​ക്ക​മാ​ണു കൊ​ല​പാ​ത​ക​ത്തി​നു കാ​ര​ണ​മെ​ന്നു സം​ശ​യി​ക്കു​ന്ന​താ​യി പോ​ലീ​സ് പ​റ​ഞ്ഞു. ഇ​യാ​ളെ ര​ണ്ടു​പേ​ർ ചേ​ർ​ന്നാ​ണ് കു​ത്തി​യ​തെ​ന്നു പ​റ​യു​ന്നു. ആ​ദ്യ കു​ത്തു​കി​ട്ടി​യ​ശേ​ഷം ഒ​ഴി​ഞ്ഞു​മാ​റാ​ൻ ശ്ര​മി​ച്ചെ​ങ്കി​ലും ര​ണ്ടാ​മ​ത്തെ കു​ത്ത് ക​ഴു​ത്തി​ൽ കി​ട്ടി​യ​തോ​ടെ അ​വ​ശ​നി​ല​യ​യി​ലാ​വു​ക​യാ​യി​രു​ന്നു. പ്ര​തി​ക​ൾ​ക്കാ​യി പോ​ലീ​സ് അ​ന്വേ​ഷ​ണം ന​ട​ത്തു​ന്നു.

    സു​ഹൃ​ത്തു​ക്ക​ൾ ത​മ്മി​ലു​ണ്ടാ​യ സം​ഘ​ട്ട​ന​ത്തി​ലാ​ണു മു​റ്റി​ച്ചൂ​ർ സ്വ​ദേ​ശി കു​ട്ടാ​ല നി​മേ​ഷി​നു (23) കു​ത്തേ​റ്റ​ത്. ഗു​രു​ത​ര പ​രി​ക്കു​ക​ളോ​ടെ ഇ​യാ​ളെ തൃ​ശൂ​ർ ജൂ​ബി​ലി മി​ഷ​ൻ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

    ഇ​ന്നലെ വൈ​കു​ന്നേ​രം മൂ​ന്നി​ന്ന് മു​റ്റി​ച്ചൂ​ർ ല​ക്ഷം വീ​ട് കോ​ള​നി​യി​ലെ കാ​ഞ്ഞി​ര​ത്തി​ൽ ഹി​ര​ണി​ന്‍റെ വീ​ട്ടി​ൽ​വ​ച്ചാ​ണു ക​ത്തി​ക്കു​ത്തു​ണ്ടാ​യ​ത്. പ​ണി​ക്ക​വീ​ട്ടി​ൽ ഷി​ഹാ​ബും സു​ഹൃ​ത്ത് നി​മേ​ഷും ചേ​ർ​ന്നു വാ​ക്കു​ത​ർ​ക്കം ഉ​ണ്ടാ​വു​ക​യും പി​ന്നീ​ട് സം​ഘ​ട്ട​ന​ത്തി​ൽ ക​ലാ​ശി​ക്കു​ക​യു​മാ​യി​രു​ന്നു. ഈ ​സ​മ​യം ക​ത്തി ഉ​പ​യോ​ഗി​ച്ച് ഹി​ര​ൺ നി​മേ​ഷി​നെ കു​ത്തു​ക​യാ​യി​രു​ന്നു.

    ഹി​ര​ണി​നും പ​രി​ക്കേ​റ്റി​ട്ടു​ണ്ട്. ഇ​യാ​ളും ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. സം​ഭ​വ​വു​മാ​യി ബ​ന്ധ​പ്പെ​ട്ട് ഒ​പ്പ​മു​ണ്ടാ​യി​രു​ന്ന ഷി​ഹാ​ബി​നെ പോ​ലീ​സ് ക​സ്റ്റ​ഡി​യി​ലെ​ടു​ത്തു.

    Share :

    Leave A Comment

    CATEGORIES

    Newsletter

    Subscribe to our newsletter to stay.