ചാലക്കുടി: ചാലക്കുടിപ്പുഴയിൽ ചാടിയ നാലംഗ മോഷ്ടാക്കളുടെ സംഘം രക്ഷപ്പെട്ടതായി മൊഴി. ട്രാക്കിലൂടെ മുരിങ്ങൂരിലെത്തിയ സംഘം കൊരട്ടി വഴി അങ്കമാലിക്ക് പോയതായി ഓട്ടോ ഡ്രൈവറാണ് മൊഴി നൽകിയത്. ചാ​ല​ക്കു​ടി​പ്പു​ഴ​യി​ലെ റെ​യി​ല്‍​വേ പാ​ല​ത്തി​ലൂ​ടെ ന​ട​ന്നു​പോ​യ നാ​ല് പേ​ര്‍ പു​ഴ​യി​ല്‍ വീ​ണ​താ​യി പരന്ന വാർത്തയിൽ അപ്രതീക്ഷിത ട്വിസ്റ്റ് . വലിയൊരു തട്ടിപ്പിന്റെ കഥയാണ് പുറത്തു വരുന്നത്. 

ചാ​ല​ക്കു​ടി​പ്പു​ഴ​യി​ലെ റെ​യി​ല്‍​വേ പാ​ല​ത്തി​ലൂ​ടെ ന​ട​ന്നു​പോ​യ നാ​ല് പേ​ര്‍ പു​ഴ​യി​ല്‍ വീ​ണ​താ​യി സം​ശ​യമെന്നായിരുന്നു വാർത്തകൾ. പാ​ല​ത്തി​ല്‍​വ​ച്ച് ഒ​രാ​ളെ ട്രെ​യി​ന്‍ ത​ട്ടി​യ​താ​യും മൂ​ന്ന് പേ​ര്‍ പു​ഴ​യി​ല്‍ ചാ​ടി​യ​താ​യും ലോ​ക്കോ പൈ​ല​റ്റ് ആ​ണ് പോ​ലീ​സി​നെ അ​റി​യി​ച്ച​ത്.

പോ​ലീ​സും ഫ​യ​ര്‍​ഫോ​ഴ്‌​സും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തിയെങ്കിലും ഒരു സൂചനയും ലഭിച്ചില്ല. 

ഞാ​യ​റാ​ഴ്ച അ​ര്‍​ധ​രാ​ത്രി​യോ​ടെ റെ​യി​ല്‍​വേ പാ​ല​ത്തി​ന് സ​മീ​പ​ത്തു​വ​ച്ച് സ്വ​ര്‍​ണ​ക്കൈ​മാ​റ്റ​വു​മാ​യി ബ​ന്ധ​പ്പെ​ട്ട് ചി​ല ത​ര്‍​ക്ക​ങ്ങ​ള്‍ ഉ​ണ്ടാ​യെ​ന്നാ​ണ് പോ​ലീ​സി​ന് സൂചന ലഭിച്ചത്. ഇ​തി​ല്‍ നാ​ല് പേ​ര്‍ പു​ഴ​യു​ടെ ഭാ​ഗ​ത്തേ​ക്ക് ഓ​ടി​പ്പോ​യ​പ്പോ​ള്‍ ട്രെ​യി​ന്‍ ഇ​തു​വ​ഴി കടന്നുപോയിരുന്നു. വിവരം ലഭിച്ച ഉടൻ പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പ്ര​ദേ​ശ​ത്തു​നി​ന്ന് ആ​രെ​യെ​ങ്കി​ലും കാ​ണാ​താ​യി​ട്ടു​ണ്ടോ​യെ​ന്നും പോ​ലീ​സ് അ​ന്വേ​ഷി​ച്ചു. ഒരു സൂചനയും ലഭിച്ചില്ല. റെയിൽവേ സ്റ്റേഷനു സമീപം സ്വർണ്ണ ഇടപാട് നടന്നു വെന്നും വ്യാജ സ്വർണ്ണം നൽകി നാലു ലക്ഷം രൂപയോളം തട്ടി നാൽവർ സംഘം രക്ഷപ്പെട്ടുവെന്നുമാണ് സൂചന. ഇപ്പോൾ ഓട്ടോ ഡ്രൈവറുടെ മൊഴി വലിയ തട്ടിപ്പിന്റെ കഥ പുറത്തു കൊണ്ടു വന്നിരിക്കയാണ്. ഇതു സംബന്ധിച്ച് പൊലീസിന് പരാതിയും ലഭിച്ചിട്ടുണ്ട്. മലപ്പുറം സ്വദേശിയാണ് പരാതിക്കാരൻ