നേരിട്ടത് വലിയ പ്രയാസം, മാധ്യമങ്ങള്‍ പുനരാലോചന നടത്തണം: കെ.വിദ്യ
കാസര്‍ഗോഡ്: തനിക്കെതിരെ നടന്നത് മാധ്യമ, രാഷ്ട്രീയ അജണ്ടയെന്ന് വ്യാജരേഖ കേസ് പ്രതി കെ.വിദ്യ. കഴിഞ്ഞ ഒരു മാസമായി താനും കുടുംബവും നേരിട്ടത് വലിയ മാനസിക പ്രയാസമാണ്. ഇത് ശരിയാണോയെന്ന് മാധ്യമങ്ങള്‍ പുനരാലോചന നടത്തണമെന്നും വിദ്യ പറഞ്ഞു.
അതേസമയം വ്യാജ സര്‍ട്ടിഫിക്കറ്റ് ഉപയോഗിച്ച് കരിന്തളം ഗവ. കോളജില്‍ അധ്യാപന ജോലി ചെയ്‌തെന്ന കേസില്‍ വിദ്യയ്ക്ക് ജാമ്യം ലഭിച്ചു. ഹൊസ്ദുര്‍ഗ് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയാണ് ഉപാധികളോടെ ജാമ്യം അനുവദിച്ചത്.
വിദ്യയ്‌ക്കെതിരെ ഗുരുതര കുറ്റങ്ങള്‍ കണ്ടെത്തിയെന്നു പൊലീസ് കോടതിയില്‍ റിപ്പോര്‍ട്ട് നല്‍കി. ജാമ്യം നല്‍കിയാല്‍ തെളിവു നശിപ്പിക്കാന്‍ സാധ്യതയുണ്ടെന്നും പോലീസ് കോടതിയെ അറിയിച്ചിരുന്നു.
Leave A Comment