ദിണ്ടിഗലില്‍ മലയാളി സ്‌ഫോടനത്തില്‍ കൊല്ലപ്പെട്ടു; സ്ഥലത്ത് എൻഐഎ പരിശോധന

• Mar 1, 2025

ദിണ്ടിഗൽ: തമിഴ്നാട് ദിണ്ടിഗലില്‍ മലയാളി സ്ഫോടനത്തില്‍ കൊല്ലപ്പെട്ടു. കോട്ടയം പൊന്‍കുന്നം കൂരാളി സ്വദേശി സാബു ജോണ്‍(59) ആണ് കൊല്ലപ്പെട്ടത്. മൃതദേഹത്തിന് നാലുദിവസത്തെ പഴക്കമുണ്ടെന്നാണ് പൊലീസ് പറയുന്നത്. മാമ്പഴത്തോട്ടം പാട്ടത്തിനെടുത്ത് കൃഷി ചെയ്ത് വരികയായിരുന്നു സാബു.

ഒരു മാസം മുൻപാണ് തമിഴ്നാട്ടിലെത്തിയത്. മൃതദേഹത്തിനടുത്ത് നിന്ന് ജെലാറ്റിൻ സ്റ്റിക്കും വയറുകളും കണ്ടെത്തിയിട്ടുണ്ട്. ഒരാഴ്ചയായി ഫോൺ വിളിച്ചിട്ട് എടുക്കുന്നില്ലായിരുന്നുവെന്ന് സഹോദരൻ പറഞ്ഞു. എൻഐഎ സ്ഥലത്ത് പരിശോധന നടത്തുകയാണ്.