ല​ണ്ട​ൻ: ബ്രി​ട്ടീ​ഷ് രാ​ജ്യാ​ധി​കാ​രം ഏ​റ്റെ​ടു​ത്ത് ചാ​ൾ​സ് മൂ​ന്നാ​മ​ൻ. വെ​സ്റ്റ്മി​ൻ​സ്റ്റ​ർ ആ​ബി​യി​ൽ ന​ട​ന്ന ആ​ഘോ​ഷ​പൂ​ർ​വ​മാ​യ ച​ട​ങ്ങി​ൽ കാ​ന്‍റ​ർ​ബ​റി ആ​ർ​ച്ച്ബി​ഷ​പ്പി​ൽ നി​ന്ന് ചാ​ൾ​സ് അ​ധി​കാ​രം ഏ​റ്റുവാങ്ങി. 1953-ന് ​ശേ​ഷം ബ്രി​ട്ട​ണി​ൽ ന​ട​ന്ന ആ​ദ്യ കി​രീ​ട​ധാ​ര​ണ ച​ട​ങ്ങി​ൽ ചാ​ൾ​സി​ന്‍റെ പ​ത്നി കാ​മി​ല​യും അ​ധി​കാ​ര​മേ​റ്റു.

ആ​ർ​ച്ച്ബി​ഷ​പ് നേ​തൃ​ത്വം ന​ൽ​കി​യ ച​ട​ങ്ങി​ൽ, ചാ​ൾ​സി​നോട് വി​ധേ​യ​ത്വം പ്ര​ഖ്യാ​പി​ക്കാ​ൻ പൊ​തു​ജ​ന​ങ്ങ​ളോ​ട് ആ​വ​ശ്യ​പ്പെ​ട്ടു. തുടർന്നാണ് കി​രീ​ട​ധാ​ര​ണം ന​ട​ത്തിയത്. 2.23 കി​ലോ​ഗ്രാം ഭാ​ര​മു​ള്ള, 360 വ​ർ​ഷം പ​ഴ​ക്ക​മു​ള്ള ‘എ​ഡ്വേ​ർ​ഡ് രാ​ജാ​വി​ന്‍റെ കി​രീ​ടം’ ആ​ണ് അ​ണി​ഞ്ഞ​ത്. തു​ട​ർ​ന്ന് ആ​ർ​ച്ച്ബി​ഷ​പ്പും രാ​ജാ​വി​ന്‍റെ അ​ന​ന്ത​രാ​വ​കാ​ശി​ക​ളും പ്ര​ഭു​ക്ക​ന്മാ​രും മു​ട്ടു​കു​ത്തി ചാ​ൾ​സി​നോ​ട് വി​ധേ​യ​ത്വം പ്ര​ഖ്യാ​പി​ച്ചു.

തു​ട​ർ​ന്ന് എ​ഡ്വേ​ർ​ഡ് രാ​ജാ​വി​ന്‍റെ സിം​ഹാ​സ​നം എ​ന്ന​റി​യ​പ്പെ​ടു​ന്ന 1300 വ​ർ​ഷം പ​ഴ​ക്ക​മു​ള്ള ഇരിപ്പിടത്തിൽ ഇരുന്ന ചാ​ൾ​സി​ന്‍റെ ശി​ര​സി​ൽ ആ​ർ​ച്ച്ബി​ഷ​പ്പ് തൈ​ലാ​ഭി​ഷേ​കം ന​ട​ത്തി. പ്ര​ധാ​ന​മ​ന്ത്രി ഋ​ഷി സു​നാ​ക് ച​ട​ങ്ങി​ൽ ബൈ​ബി​ൾ വാ​യി​ച്ചു.

രാ​ഷ്ട്ര​ത്ത​ല​വ​ന്മാ​രും രാ​ജ​പ്ര​തി​നി​ധി​ക​ളും അ​ട​ക്കം 2,300 പേ​രാ​ണ് ച​ട​ങ്ങി​ൽ പ​ങ്കെ​ടു​ത്ത​ത്. ഇ​ന്ത്യ​യി​ൽ​നി​ന്ന് ഉ​പ​രാ​ഷ്ട്ര​പ​തി ജ​ഗ്ദീ​പ് ധ​ൻ​ക​റും പ​ത്നി സു​ധേ​ഷ് ധ​ൻ​ക​റും അ​ട​ക്ക​മു​ള്ള​വ​ർ ച​ട​ങ്ങി​ൽ പ​ങ്കെ​ടു​ത്തു.