സംസ്ഥാനത്ത് രാവിലെ മുതൽ റേഷന്‍ വിതരണം തടസപ്പെട്ടു
തിരുവനന്തപുരം: സംസ്ഥാനത്ത് രാവിലെ മുതൽ റേഷന്‍ വിതരണം തടസപ്പെട്ടു. ഇപോസ് മെഷീന്‍ സര്‍വ്വർ തകരാറിലായതോടെ വിതരണം മുടങ്ങിയതിനാൽ റേഷന്‍കടകള്‍ക്ക് ഇന്ന് ഉച്ചയ്ക്ക് ശേഷം അവധി പ്രഖ്യാപിച്ചു. രാവിലെ 8 മുതൽ തന്നെ കടകൾ തുറന്നെങ്കിലും ഇ-പോസ് മെഷീൻ പണിമുടക്കി.എന്നത്തേയും പോലെ സെർവർ തകരാറെന്ന് ഇന്നും ഐടി സെല്ലിൽ നിന്ന് അറിയിപ്പ് ലഭിച്ചു. ഉടനടി പരിഹരിക്കുമെന്ന് ഉറപ്പ് നൽകിയെങ്കിലും പ്രതീക്ഷയോടെ വന്നവർ കുറച്ചുനേരം കാത്ത് നിരാശരായി മടങ്ങി. സാങ്കേതിക തകരാർ പരിഹരിക്കാനായി ഐ.ടി മിഷന്‍ ഡയറക്ടറുടെ നേതൃത്വത്തില്‍ ടെക്നിക്കല്‍ ടീം ശ്രമിച്ചുവരികയാണെന്ന് ഭക്ഷ്യവകുപ്പ് അറിയിച്ചു.
ഈ സാഹചര്യത്തിലാണ് പ്രശ്മപരിഹാരമായി റേഷന്‍കടകള്‍ ഉച്ചയ്ക്ക് ശേഷം തുറന്ന് പ്രവർത്തിക്കേണ്ടതില്ലെന്ന് ഭക്ഷ്യ പൊതുവിതരണ വകുപ്പ് മന്ത്രി ജി.ആർ.അനില്‍ ഉത്തരവിട്ടത്.
Leave A Comment