കൊടുങ്ങല്ലൂർ: എടവിലങ്ങ് കുഞ്ഞയിനിയിൽ ബൈക്കപകടത്തിൽ പരിക്കേറ്റവരെ ആശുപത്രിയിലേക്ക് കൊണ്ടു പോകുകയായിരുന്ന ആംബുലൻസ് അപകടത്തിൽപ്പെട്ടു. അപകടങ്ങളിൽ ആംബുലൻസ് ഡ്രൈവർ ഉൾപ്പെടെ  നാല് പേർക്ക് പരിക്ക്. ആംബുലൻസ് കൊടുങ്ങല്ലൂർ വയലാർ സ്വദേശി കപ്പോത്ത്‌ വീട്ടിൽ ഇരുപത്തെട്ടു വയസ്സുള്ള അക്ഷയ് , ബൈക്ക് യാത്രക്കാരായ എടവിലങ്ങു കാര ചിറയിൽ സദാനന്ദന്റെ മകൻ  അതുൽകൃഷ്ണ , എടവിലങ് നടവരമ്പ് കാട്ടുപറമ്പിൽ ഇരുപത്തഞ്ചു വയസ്സുള്ള അതുൽകുമാർ , ആംബുലൻസിൽ ഉണ്ടായിരുന്ന എടവിലങ് വല്ലത്ത്‌ പതിനേഴു വയസ്സുള്ള ശ്രീയേഷ്‌ എന്നിവർക്കാണ് പരിക്കേറ്റത് .

ഇന്ന് ഉച്ചയ്ക്ക്  എടവിലങ്ങിൽ കുഞ്ഞയിനി സെന്ററിലാണ് ആദ്യ അപകടം നടന്നത് . മോട്ടോർ ബൈക്കുകൾ  കൂട്ടിയിടിച്ചുണ്ടായ അപകടത്തിൽ പരിക്കേറ്റ കാര സ്വദേശി അതുൽകൃഷ്ണയെയും ,മുള്ളൻ ബസാർ സ്വദേശി അതുലിനെയും ആശുപത്രിയിലേക്ക് കൊണ്ടുപോകുന്നതിനിടയിലാണ് ആംബുലൻസ് അപകടത്തിൽപ്പെട്ടത്. 

എതിരെ വന്ന കാറിനു സൈഡ് കൊടുക്കുന്നതിനിടയിൽ ടെലഫോൺ പോസ്റ്റിൽ ഇടിച്ചു നിയന്ത്രണം വിട്ട ആംബുലൻസ് റോഡരികിലെ മതിലിൽ ചെന്ന് ഇടിക്കുകയായിരുന്നു .ഗുരുതരമായി പരിക്കേറ്റ അതുൽകൃഷ്ണയെ എറണാകുളത്തെ സ്വകാര്യ ആശുപത്രിയിലും മറ്റുള്ളവരെ കൊടുങ്ങല്ലൂർ എ ആർ മെഡിക്കൽ സെന്ററിലും പ്രവേശിപ്പിച്ചു .