കൊടുങ്ങല്ലൂർ കുരുംബയമ്മയുടെ ക്ഷേത്രത്തിന് നേരെ ആക്രമണം
കൊടുങ്ങല്ലൂർ : കൊടുങ്ങല്ലൂരിൽ കുരുംബയമ്മയുടെ മൂലസ്ഥാന ക്ഷേത്രം അടിച്ചു തകർത്തു. മാനസികരോഗിയാണ് ആക്രമണം നടത്തിയതെന്ന് സംശയിക്കുന്നു. വിഗ്രഹവും ദീപസ്തംഭവും അടിച്ചു തകർത്തു .ആക്രമണം നടത്തിയ തിരുവനതപുരം പാറശാല സ്വദേശി രാമചന്ദ്രനെ പോലീസും നാട്ടുകാരും ചേർന്ന് പിടികൂടി .സംഭവത്തിൽ പ്രതിഷേധിച്ചു ഹിന്ദു ഐക്യവേദി കൊടുങ്ങല്ലൂർ നഗര സഭ ഹർത്താൽ പ്രഖ്യാപിച്ചു.
തെക്കേ നടയിൽ പഴയ മുനിസിപ്പൽ ഓഫീസിനു സമീപമുള്ള കുരുംബമ്മയുടെ ക്ഷേത്രത്തി നു നേരെ ഇന്ന് പുലർച്ചെ അഞ്ചുമണിയോടെ ആയിരുന്നു ആക്രമണം .ക്ഷേത്രത്തിനു അകത്തുകയറിയ അക്രമി ഇരുമ്പ് തണ്ടുകൊണ്ടാണ് ആക്രമണം നടത്തിയിട്ടുള്ളത്.
ക്ഷേത്രത്തിനകത്തു ഇരിക്കുകയായിരുന്ന അക്രമി പോലീസിനെ കണ്ടതോടെ രക്ഷപ്പെടാൻ ശ്രമിച്ചുവെങ്കിലും ഇയാളെ പിന്തുടർന്ന് പിടികൂടുകയായിരുന്നു.
Leave A Comment