പുത്തൻചിറ: ബസിടിച്ച് ഗുരുതര പരിക്കേറ്റ് ചികിത്സയിലായിരുന്ന വിദ്യാര്‍ഥി മരിച്ചു. പുത്തന്‍ചിറ  മങ്കിടി  തെക്കേതാന്നിയിൽ മതിയത്ത് മന നാരായണൻ നമ്പൂതിരി മകൻ പ്രണവ് (25) ആണ് മരിച്ചത്. കഴിഞ്ഞ ബുധനാഴ്ച ഇരിങ്ങാലക്കുട തരണനെല്ലൂർ ആർട്സ് കോളേജിൽ ബി.എഡ് കോഴ്സ് പരീക്ഷക്ക് പോകുന്നതിനിടയിൽ തൃശ്ശൂരിൽ നിന്നും കൊടുങ്ങല്ലൂർക്ക് പോവുകയായിരുന്ന സ്വകാര്യ ബസ്സ് ബ്ലോക്ക് ജംഗ്ഷന് വടക്ക് ഭാഗത്ത് വെച്ച് പ്രണവ് യാത്ര ചെയ്തിരുന്ന ഇരുചക്രവാഹനത്തിൽ ഇടിക്കുകയായിരുന്നു.

പരിക്കേറ്റ പ്രണവിനെ ആദ്യം ഇരിങ്ങാലക്കുട സഹകരണ ആശുപത്രിയിലും പിന്നീട് ചാലക്കുടി സെൻ്റ് ജെയിംസ് ആശുപത്രിയിലും എത്തിച്ച് ചികിത്സ നടത്തിയെങ്കിലും .

ഗുരുതരാവസ്ഥയിൽ ആയതിനെ തുടർന്ന് കഴിഞ്ഞ ശനിയാഴ്ച ആലുവ രാജഗിരി ആശുപത്രിയിൽ പ്രവേശിപ്പിച്ചു. ഇന്ന് വൈകീട്ട് 5 മണിക്ക് മരിച്ചു.

സംസ്കാരം വെള്ളിയാഴ്ച ഉച്ചകഴിഞ്ഞ് വീട്ടുവളപ്പിൽ.