കറൻ്റ് പോയതിനെ തുടർന്ന് മേശമേൽ മെഴുകുതിരി കത്തിച്ച് വെച്ചിരുന്നു. മകൻ പുറത്ത് പോയതിനെ തുടർന്ന് റംലത്ത് ഉറങ്ങാനും കിടന്നു. ഇതിനിടെ മെഴുകുതിരി കത്തി തീർന്ന് മേശക്ക് തീപിടിക്കുകയായിരുന്നു. പിറകെ തൊട്ടടുത്ത ഫ്രിഡ്ജും കത്തിനശിച്ചു. തീയും പുകയും ഉയർന്നതോടെ ഉറക്കമുണർന്ന റംലത്ത് പുറത്തേക്കോടി ഒച്ചവെക്കുകയായിരുന്നു. ആളുകൾ ഓടി കൂടുമ്പോഴേക്കും വീടിൻ്റെ സീലിംഗും വാതിലും, മറ്റുള്ളവയും കത്തിനശിച്ചു. കാര്യമായ നാശനഷ്ടം ഉണ്ടായിട്ടുണ്ട്. തീയണക്കാൻ നാട്ടുകാരും ആക്ട്സ് പ്രവർത്തകരും കഠിന പരിശ്രമം നടത്തി. മതിലകം പൊലീസും കൊടുങ്ങല്ലൂരിൽ നിന്ന് ഫയർഫോഴ്സും എത്തിയാണ് തീയണച്ചത്.