തൃശ്ശൂർ മാന്ദാമംഗലത്ത് ടയർ കമ്പനിയിൽ വൻ തീപിടുത്തം
തൃശ്ശൂർ: മാന്ദാമംഗലത്ത് ടയർ കമ്പനിയിൽ വൻ തീപിടുത്തം. മാന്ദാമംഗലം കട്ടിംങ്ങിൽ പ്രവർത്തിക്കുന്ന ടെക്സ് വൺ എന്ന ടയർ കമ്പനിയിലാണ് തീപിടുത്തം ഉണ്ടായത്. തിങ്കളാഴ്ച്ച
പുലർച്ചെ അഞ്ചുമണിയോടെയാണ് തീപിടുത്തം നാട്ടുകാരുടെ ശ്രദ്ധയിൽപ്പെടുന്നത്. ഉടൻ തൃശ്ശൂരിലെ അഗ്നിരക്ഷാസേനയെ വിവരമറിയിക്കുകയായിരുന്നു. തൃശ്ശൂരിൽ നിന്ന് മൂന്ന് യൂണിറ്റും, പുതുക്കാട് നിന്നും ഒരു യൂണിറ്റും ഫയർഫോഴ്സ് എത്തി ഒന്നരമണിക്കൂറ് നേരത്തെ ശ്രമത്തിന്റെ ഫലമായാണ് തീ നിയന്ത്രണ വിധേയമാക്കിയത്. തീപിടുത്തത്തിൽ കമ്പനി പൂർണ്ണമായും കത്തി നശിച്ചു.
ലക്ഷങ്ങളുടെ നഷ്ടം ഉണ്ടായതായാണ് പ്രാഥമിക വിവരം. തീപിടുത്തത്തിന്റെ കാരണം വ്യക്തമല്ല. ടയറിന്റെ റീസോളിംഗ് ഭാഗം ആണ് കമ്പനിയിൽ നിർമ്മിക്കുന്നത്. മൂർക്കനിക്കര സ്വദേശി പുഷ്കരന്റെ ഉടമസ്ഥതയിൽ ഉള്ളതാണ് സ്ഥാപനം.
Leave A Comment