ചെങ്ങമനാട് : അങ്കമാലി വിദ്യാഭ്യാസ ഉപജില്ലാ സ്കൂൾ ശാസ്ത്രോത്സവം അൻവർ സാദത്ത് എം.എൽ.എ. ഉദ്ഘാടനം ചെയ്തു. റോജി എം. ജോൺ എം.എൽ.എ. അധ്യക്ഷനായി. ചെങ്ങമനാട് പഞ്ചായത്ത് പ്രസിഡൻറ് സെബ മുഹമ്മദലി, എ.ഇ.ഒ. പി. അംബിക, ബ്ലോക്ക് പഞ്ചായത്തംഗം അമ്പിളി ഗോപി, പ്രിൻസിപ്പൽ എം.എസ്. വൃന്ദ, ഹെഡ്മാസ്റ്റർ എ.എൽ. ജൂഡ്സൺ, പഞ്ചായത്ത് വൈസ് പ്രസിഡൻറ് ഷാജൻ എബ്രഹാം, ദിലീപ് കപ്രശ്ശേരി, അമ്പിളി അശോകൻ, ഷക്കീല മജീദ്, റജീന നാസർ, നൗഷാദ് പാറപ്പുറം, സി.എസ്. അസീസ്, ഇ.ഡി. ഉണ്ണികൃഷ്ണൻ, പി.എം. മുഹമ്മദ് ഹുസൈൻ, കെ.ജെ. എൽദോസ്, പി.വി. മുരുകദാസ്, പി.ജെ. ഷാജു, കെ.എ. മുഹമ്മദ് സലിം എന്നിവർ സംസാരിച്ചു.

ലോഗോ രൂപകൽപ്പന ചെയ്ത ആൽബിൻ ജോണിന് അമ്പിളി ഗോപി ഉപഹാരം നൽകി. രണ്ടുദിവസത്തെ ശാസ്ത്രോത്സവത്തിൽ 109 സ്കൂളുകളിൽനിന്നായി 3000-ത്തോളം കുട്ടികളാണ് പങ്കെടുക്കുന്നത്.

ചെങ്ങമനാട് ഗവ. ഹയർ സെക്കൻഡറി സ്കൂൾ, ചെങ്ങമനാട് ശ്രീരംഗം ഓഡിറ്റോറിയം എന്നിവിടങ്ങളിലാണ് മത്സരം.