വിദ്യാർഥി സംഘടനയുടെ ചുമതല; കനയ്യ കുമാറിന് പദവി നൽകി കോൺഗ്രസ്
ന്യൂഡൽഹി: സിപിഐ വിട്ട് കോൺഗ്രസിലെത്തിയ വിദ്യാർഥി നേതാവ് കനയ്യ കുമാറിന് പദവി നൽകി കോൺഗ്രസ്. വിദ്യാർഥി വിഭാഗമായ എന്‍എസ്‌യുഐയുടെ ചുമതലയാണ് കനയ്യക്കു നൽകിയത്.നാഷണൽ സ്റ്റുഡന്‍റ്സ് യൂണിയൻ ഓഫ് ഇന്ത്യയുടെ (എന്‍എസ്‌യുഐ) എഐസിസി ഇൻചാർജ് ആയാണ് നിയമനം. കനയ്യ കുമാറിനെ ഡൽഹി സംസ്ഥാന അധ്യക്ഷൻ, യൂത്ത് കോൺഗ്രസ് ദേശീയ അധ്യക്ഷൻ തുടങ്ങിയ പദവികളിലേക്ക് പരിഗണിക്കുന്നുണ്ടെന്ന് നേരത്തെ വാർത്തകളുണ്ടായിരുന്നു.
ദേശീയ തലത്തിൽ കോൺഗ്രസിന്‍റെ താരപ്രചാരകനായിരുന്നു കനയ്യ. ഭാരത് ജോഡോ യാത്രയിലുടനീളം രാഹുൽ ഗാന്ധിക്കൊപ്പം കനയ്യയുണ്ടായിരുന്നു.
Leave A Comment