എലത്തൂർ ട്രെയിൻ തീവയ്പ്; പ്രതി കസ്റ്റഡിയിലെന്ന് സൂചന
ലക്നോ: കോഴിക്കോട് എലത്തൂരില്‍ ഓടുന്ന ട്രെയിനില്‍ യാത്രക്കാരെ പെട്രോൾ ഒഴിച്ചു തീവച്ച സംഭവത്തിലെ പ്രതിയെന്ന് സംശയിക്കുന്നയാൾ കസ്റ്റഡിയിലായതായി സൂചന. ഉത്തർപ്രദേശിലെ ബുലന്ദ്ശഹറിൽ നിന്നാണ് ഇയാളെ കസ്റ്റഡിയിലെടുത്തതെന്നാണ് വിവരം.
ഉത്തർപ്രദേശ് എടിഎസാണ് പ്രതിയെ പിടികൂടിയത്. രേഖാചിത്രം അടിസ്ഥാനമാക്കിയുള്ള തിരച്ചിലിലാണ് ഇയാൾ കസ്റ്റഡിയിലായതെന്നാണ് വിവരം. എന്നാൽ ഇതുസംബന്ധിച്ച് പോലീസ് ഔദ്യോഗിക സ്ഥിരീകരണമൊന്നും നടത്തിയിട്ടില്ല.
ഞായറാഴ്ച രാത്രി ഒന്‍പതിനാണ് ആലപ്പുഴ - കണ്ണൂര്‍ എക്‌സിക്യൂട്ടീവ് എക്‌സ്പ്രസിൽ അജ്ഞാതൻ തീവച്ചത്. തീവ്രവാദ ആക്രമണമാണ് നടന്നതെന്ന് സംശയിക്കുന്നതിനാൽ എൻഐഎ സംഘവും കണ്ണൂരിലെത്തി പരിശോധന നടത്തി.
Leave A Comment