തൃ​പ്പൂ​ണി​ത്തു​റ: തൃ​പ്പൂ​ണി​ത്തു​റ​യി​ലു​ണ്ടാ​യ തീ​പി​ടി​ത്ത​ത്തി​ൽ ഫൈ​ബ​ർ ബോ​ക്സ് നി​ർ​മാ​ണ യൂ​ണി​റ്റും വീ​ടും ക​ത്തി​യ​മ​ർ​ന്നു. തൃ​പ്പൂ​ണി​ത്തു​റ തെ​ക്കും​ഭാ​ഗം പാ​വം​കു​ള​ങ്ങ​ര​യ്ക്ക് സ​മീ​പം പി​ണ്ണാ​ക്ക് മു​ക്കി​ൽ തൈ​പ്പ​റ​മ്പി​ൽ വീ​ട്ടി​ൽ കൃ​ഷ്ണകു​മാ​റി​ന്‍റെ വീ​ടി​നാ​ണ് തീ ​പി​ടി​ച്ച​ത്. ഇ​ന്ന​ലെ രാ​ത്രി 7.30 ഓ​ടെ​യാ​ണ് തീ ​പി​ടി​ത്ത​മു​ണ്ടാ​യ​ത്.

തീ ​ആ​ളി​പ്പ​ട​ർ​ന്ന​തോ​ടെ ഓ​ടു​മേ​ഞ്ഞ വീ​ട് മു​ഴു​വ​നാ​യും ക​ത്തി​ന​ശി​ച്ചു. തൃ​പ്പൂ​ണി​ത്തു​റ, മു​ള​ന്തു​രു​ത്തി, ഗാ​ന്ധി​ന​ഗ​ർ എ​ന്നി​വി​ട​ങ്ങ​ളി​ൽ നി​ന്നു​ള്ള അ​ഗ്നി​ര​ക്ഷാ​സേ​ന​യും നാ​ട്ടു​കാ​രും സി​വി​ൽ ഡി​ഫ​ൻ​സ് ഫോ​ഴ്സും മൂ​ന്ന് മ​ണി​ക്കൂ​റോ​ളം സ​മ​യ​മെ​ടു​ത്താ​ണ് തീ​യ​ണ​ച്ച​ത്. വീ​ടി​നോ​ട് ചേ​ർ​ന്ന് ഫൈ​ബ​ർ ബോ​ക്സ് നി​ർ​മാ​ണ യൂ​ണി​റ്റ് ഇ​വി​ടെ ന​ട​ത്തു​ന്നു​ണ്ട്. ഇ​വി​ടെ​യു​ണ്ടാ​യ തെ​ർ​മോ​ക്കോ​ളി​ൽ നി​ന്നാ​ണ് തീ ​പ​ട​ർ​ന്ന​തെ​ന്ന് ക​രു​തു​ന്നു.

തീ ​പ​ട​ർ​ന്നു ക​യ​റി​യ​തോ​ടെ വീ​ട്ടു​കാ​രെ​ല്ലാ​വ​രും പു​റ​ത്തേ​ക്കി​റ​ങ്ങി നാ​ട്ടു​കാ​രു​ടെ സ​ഹാ​യ​ത്തോ​ടെ വീ​ട്ടി​നു​ള്ളി​ലെ ഗൃ​ഹോ​പ​ക​ര​ണ​ങ്ങ​ൾ കു​റ​ച്ചെ​ല്ലാം മാ​റ്റി​യെ​ങ്കി​ലും മ​ച്ച് ഉ​ൾ​പ്പെ​ടെ മേ​ൽ​ക്കൂ​ര​യും ഫൈ​ബ​ർ ബോ​ക്സ് നി​ർ​മാ​ണ യൂ​ണി​റ്റും പൂ​ർ​ണ​മാ​യി ക​ത്തി​യ​മ​ർ​ന്നു. നാ​ട്ടു​കാ​രു​ടെ​യും ഫ​യ​ർ​ഫോ​ഴ്സി​ന്‍റെ​യും സ​മ​യോ​ചി​ത​മാ​യ ഇ​ട​പെ​ട​ലു​ക​ൾ മൂ​ലം സ​മീ​പ​ത്തെ വീ​ടു​ക​ളി​ലേ​യ്ക്ക് തീ ​പ​ട​രാതെ നി​യ​ന്ത്രി​ക്കാ​നാ​യ​ത് മൂ​ലം വ​ൻ ദു​ര​ന്ത​ം ഒ​ഴി​വാ​യി. ഷോ​ർ​ട്ട് സ​ർ​ക്യൂ​ട്ടാ​ണ് തീ​പി​ടു​ത്ത​ത്തി​ന് കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.