കൊ​ച്ചി: ക​രാ​ര്‍ തു​ക​യെ ചൊ​ല്ലി​യു​ണ്ടാ​യ ത​ര്‍​ക്ക​ത്തെ തു​ട​ര്‍​ന്ന് ബ്ര​ഹ്മ​പു​ര​ത്ത് കെ​ട്ടി​ക്കി​ട​ക്കു​ന്ന മാ​ലി​ന്യം ബ​യോ​മൈ​നിം​ഗ് നടത്തുന്ന​ത് അ​നി​ശ്ചി​ത​ത്വ​ത്തി​ലാ​യി. ബ​യോ മൈ​നിം​ഗി​ന് യോ​ഗ്യ​ത നേ​ടി​യ ഭൂ​മി ഗ്രീ​ന്‍ എ​ന​ര്‍​ജി എ​ന്ന ഏ​ജ​ന്‍​സി ട​ണ്ണി​ന് 1699 രൂപയും ​ര​ണ്ടാ​മ​ത്തെ ക​മ്പ​നി​യാ​യ സി​ഗ്മ ഗ്ലോ​ബ​ല്‍ എ​ന്‍​വ​യോ​ണ്‍ സൊ​ല്യൂ​ഷ​ന്‍​സ് 4640 രൂ​പ​യും ആ​വ​ശ്യ​പ്പെ​ട്ട​താ​ണ് തര്‍​ക്ക​ത്തി​ന് കാ​ര​ണമായത്.

ഒ​രു ട​ണ്‍ മാ​ലി​ന്യം ബ​യോ​മൈ​നിം​ഗ് ചെ​യ്യു​ന്ന​തി​ന് ഡ​ല്‍​ഹി​യി​ല്‍ 800 മു​ത​ല്‍ 1000 രൂ​പ​യും ഗോ​വ​യി​ല്‍ 1084 രൂ​പ​യും കൊ​ല്ല​ത്ത് 1137 രൂ​പ​യും മാ​ത്രം ചെ​ല​വ് വ​രു​മ്പോ​ള്‍ ബ്ര​ഹ്മ​പു​ര​ത്ത് കൂ​ടി​യ നി​ര​ക്ക് ക​രാ​റി​ല്‍ ആ​വ​ശ്യ​പ്പെ​ട്ട​താ​ണ് പ്ര​തി​പ​ക്ഷം ത​ക​ര്‍​ക്ക​മാ​യി ഉ​യ​ര്‍​ത്തി​യത്.

എ​ന്നാ​ല്‍ ഡ​ല്‍​ഹി​യി​ലെ സാ​ഹ​ച​ര്യ​മ​ല്ല കൊ​ച്ചി​യി​ലേതെന്നും ഇ​വി​ടെ ബ​യോ​മൈ​നിം​ഗി​ന് ചി​ല​വ് കൂ​ടു​മെ​ന്നും സെ​ക്ര​ട്ട​റി ബാ​ബു അ​ബ്ദു​ള്‍ ഖാ​ദി​ര്‍ വി​ശ​ദീ​ക​രി​ച്ചു. ഡ​ല്‍​ഹി ഉ​ള്‍​പ്പെ​ടെ​യു​ള്ള സ്ഥ​ല​ങ്ങ​ളി​ല്‍ ബ​യോ​മൈ​നിം​ഗി​ന് ശേ​ഷ​മു​ള്ള അ​പ​ക​ട​ക​ര​മാ​യ അ​വ​ശി​ഷ്ട​ങ്ങ​ള്‍ എ​വി​ടെ​യെ​ങ്കി​ലും ത​ള്ളു​ക​യാ​ണ് ചെ​യ്യു​ന്ന​ത്.

അതിനാൽ സ്വ​ഭാ​വി​ക​മാ​യി നി​ര​ക്കും കു​റ​യും. എ​ന്നാ​ല്‍ ദേ​ശീ​യ ഹ​രി​ത ട്രി​ബ്യൂ​ണ​ല്‍ ഉ​ള്‍​പ്പെ​ടെ വി​വി​ധ ഏ​ജ​ന്‍​സി​ക​ളു​ടെ ക​ര്‍​ശ​ന നി​രീ​ക്ഷ​ണ​ത്തി​ലു​ള്ള കൊ​ച്ചി​യി​ല്‍ അ​ത്ത​രം ഏ​ളു​പ്പ​വ​ഴി​ക​ള്‍ സാ​ധ്യമ​ല്ല.

ബ്ര​ഹ്മ​പു​ര​ത്ത് 16 മാ​സ​ത്തി​നകം ബ​യോ​മൈ​നിം​ഗ് പൂ​ര്‍​ത്തീ​ക​രി​ക്കേ​ണ്ട​തു​ണ്ട്. ബ​യോ​മൈ​നിം​ഗി​ന് ശേ​ഷ​മു​ണ്ടാ​കു​ന്ന ആ​ര്‍​ഡി​എ​ഫ് സം​സ്ഥാ​ന​ത്തി​ന് പു​റ​ത്തേ​ക്ക് കൊ​ണ്ടു​പോ​കേ​ണ്ട​തി​ന്‍റെ ക​ട​ത്തു​കൂ​ലി ഭീ​മ​മാ​ണ്. ഇ​തൊ​ക്കെ​യാ​ണ് നി​ര​ക്ക് കൂ​ടാ​ന്‍ കാ​ര​ണ​മെ​ന്ന് സെ​ക്ര​ട്ട​റി വി​ശ​ദീ​ക​രി​ച്ചു.

അ​തേ​സ​മ​യം ബ്ര​ഹ്മ​പു​ര​ത്ത് കെ​ട്ടി​ക്കി​ട​ക്കു​ന്ന മാ​ലി​ന്യ​ത്തി​ന്‍റെ അ​ള​വ് സം​ബ​ന്ധി​ച്ചും പ്ര​തി​പ​ക്ഷം ത​ര്‍​ക്കം ഉ​ന്ന​യി​ച്ചു. ഏ​ഴു ​ല​ക്ഷം ട​ണ്‍ മാ​ലി​ന്യ​മെ​ന്നാ​ണ് കോ​ര്‍​പറേ​ഷ​ന്‍റെ ക​ണ​ക്ക്. എ​ന്നാ​ല്‍ പ്ര​തി​പ​ക്ഷം ഇ​തു അംഗീകരിക്കുന്നില്ല.

ബ്ര​ഹ്മ​പു​ര​ത്ത് തീപി​ടി​ത്തം ഉ​ണ്ടാ​യ സ​മ​യ​ത്തെ ക​ണ​ക്കാ​ണി​തെ​ന്നും അ​തി​നു​ശേ​ഷം നിക്ഷേ പിച്ച മാ​ലി​ന്യ​ത്തി​ന്‍റെ ക​ണ​ക്ക് ഇ​തി​ലി​ല്ലെ​ന്നും തീ​പി​ടി​ച്ച ഭാ​ഗ​ത്തെ മാ​ലി​ന്യ​ത്തി​ന്‍റെ അ​ള​വ് കോ​ര്‍​പ​റേ​ഷ​ന്‍റെ ക​ണ​ക്കി​ലി​ല്ലെ​ന്നും പ്ര​തി​പ​ക്ഷം ചൂണ്ടിക്കാട്ടുന്നു.

ബ​യോ​മൈ​നിം​ഗ് ഏ​തു ക​മ്പ​നി​യെ ഏൽപ്പിക്ക​ണ​മെ​ന്ന കാ​ര്യ​ത്തി​ല്‍ 15 ദി​വ​ത്തി​നകം കൗ​ണ്‍​സി​ല്‍ തീ​രു​മാ​ന​മെ​ടു​ക്കു​മെ​ന്ന് മേ​യ​ര്‍ ​എം. അ​നി​ല്‍​കു​മാ​ര്‍ വ്യ​ക്ത​മാ​ക്കി. ക​മ്പ​നി​ക​ളു​ടെ പ്ര​വ​ര്‍​ത്ത​നം നേ​രി​ല്‍​ക്ക​ണ്ട് പ​രി​ശോ​ധി​ക്കാ​ന്‍ വി​ദ​ഗ്ധരും കൗ​ണ്‍​സി​ല​ര്‍​മാ​രും ഉ​ള്‍​പ്പെ​ട്ട സ​മി​തി​യെ നി​യോ​ഗി​ക്കും.

നി​ര​ക്ക് കു​റ​യ്ക്കു​ന്ന​തു സം​ബ​ന്ധി​ച്ച് ക​മ്പ​നി​യു​മാ​യി ച​ര്‍​ച്ച ചെ​യ്യും. ബ​യോ​മൈ​നിം​ഗി​ന്‍റെ കാ​ര്യ​ത്തി​ല്‍ തീ​രു​മാ​ന​മെ​ടു​ക്കാ​ന്‍ വൈ​കു​ന്ന​ത് വ​രും ത​ല​മു​റ​യോ​ടു​ള്ള അ​നീ​തി​യാ​ണ്. ഇ​നി​യൊ​രു അ​ഗ്‌​നി​ബാ​ധ ന​ഗ​ര​വാ​സി​ക​ള്‍​ക്ക് താ​ങ്ങാ​നാ​കി​ല്ലെ​ന്നും മേ​യ​ര്‍ പ​റ​ഞ്ഞു.