തൃശൂരിൽ തെരുവുനായ ആക്രമണം; വിദ്യാര്‍ഥിക്ക് പരിക്ക്
തൃശൂര്‍: തെരുവുനായ ആക്രമണത്തില്‍ സൈക്കിളില്‍ നിന്ന് വീണ് വിദ്യാര്‍ഥിക്ക് പരിക്ക്. ചിയ്യാരത്തെ ജെറി യാസിന്‍റെ മകന്‍ എന്‍.ഫിനോയ്ക്കാണ് (16) പരിക്കേറ്റത്. ട്യൂഷന്‍ കഴിഞ്ഞ് സുഹൃത്തിനൊപ്പം സൈക്കിളില്‍ വരുമ്പോഴായിരുന്നു ഫിനോയ്ക്ക് നേരെ നായയുടെ ആക്രമണം ഉണ്ടായത്.
രക്ഷപെടാന്‍ ശ്രമിക്കുന്നതിനിടെ സൈക്കിള്‍ വൈദ്യുതി പോസ്റ്റില്‍ ഇടിച്ച് വീഴുകയായിരുന്നു. വീഴ്ചയുടെ ആഘാതത്തില്‍ കുട്ടിയുടെ മൂന്ന് പല്ലുകള്‍ കൊഴിഞ്ഞു. മുഖത്ത് പരിക്കേല്‍ക്കുകയും ചെയ്തു. വിദ്യാര്‍ഥിയെ തൃശൂരിലെ സ്വകാര്യ ആശുപത്രിയില്‍ ശസ്ത്രക്രിയയ്ക്ക് വിധേയനാക്കി.
Leave A Comment