കേരളത്തില്‍ കാലവര്‍ഷം വൈകും
തിരുവനന്തപുരം: സംസ്ഥാനത്ത് ഇത്തവണ കാലവര്‍ഷം വൈകുമെന്ന് കാലാവസ്ഥാ നിരീക്ഷണ കേന്ദ്രം. ജൂണ്‍ ഒന്നിന് മുമ്പായി കാലവര്‍ഷം എത്തില്ല. നാലിനാകും എത്തുക.
കേന്ദ്ര കാലാവസ്ഥ വകുപ്പിന്‍റെ രണ്ടാംഘട്ട മണ്‍സൂണ്‍ പ്രവചനപ്രകാരം ഇത്തവണ ജൂണ്‍ മുതല്‍ സെപ്റ്റംബര്‍ വരെയുള്ള സീസണില്‍ കേരളത്തില്‍ സാധാരണയില്‍ കൂടുതല്‍ മഴ ലഭിക്കാനിടയുണ്ട്. എന്നാല്‍ ചൂട് സാധാരണ ജൂണ്‍ മാസത്തില്‍ അനുഭവപ്പെടുന്നതിനേക്കാള്‍ കൂടാന്‍ സാധ്യതയുണ്ട്.
അതേ സമയം സംസ്ഥാനത്ത് വേനല്‍ മഴ തുടര്‍ന്നേക്കുമെന്ന് കേന്ദ്ര കാലാവസ്ഥ വകുപ്പ്. ഒറ്റപ്പെട്ടയിടങ്ങളില്‍ ഇടിമിന്നലും കാറ്റോടും കൂടിയ മഴ തുടരും.
കേരള -ലക്ഷദ്വീപ് തീരങ്ങളില്‍ ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല്‍ മത്സ്യബന്ധനത്തിന് വിലക്കേര്‍പ്പെടുത്തി. കര്‍ണാടക തീരത്ത് മത്സ്യബന്ധനത്തിന് തടസമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
Leave A Comment