ലാവലിന്‍ ഇടപാടില്‍ പണം വാങ്ങിയത് പിണറായി അല്ല: കെ സുധാകരന്‍
തിരുവനന്തപുരം: ലാവലിന്‍ ഇടപാടില്‍ പിണറായി വിജയന്‍ പണമുണ്ടാക്കിയിട്ടില്ലെന്ന് കെപിസിസി പ്രസിഡന്റ് കെ സുധാകരന്‍. പണം വാങ്ങിയത് പിണറായി അല്ല. പാര്‍ട്ടിക്ക് പണം കിട്ടിയെന്നാണ് തനിക്ക് കിട്ടിയ വിവരം. ലാവലിന്‍ കേസില്‍ വിധി പറയരുതെന്ന് ഭരണകൂടത്തിന്റെ നിര്‍ദേശമുണ്ട്. കേസില്‍ വിധി പറയാന്‍ ജഡ്ജിമാര്‍ക്ക് ഭയമാണെന്നും കെ സുധാകരന്‍ പറഞ്ഞു.
അതേസമയം കോൺഗ്രസ് പ്രവർത്തകർക്ക് കെ സുധാകരൻ മുന്നറിയിപ്പ് നല്‍കി. ''സംഘടനാ ശേഷി ശക്തിപ്പെടുത്തേണ്ടത് അനിവാര്യമാണ്. തെരഞ്ഞെടുപ്പ് മുന്നിൽ കണ്ട് ഇടത്പക്ഷം എണ്ണയിട്ട യന്ത്രം പോലെയാണ് പ്രവർത്തിക്കുന്നത്. അവരുടെ മുന്നിൽ കോൺഗ്രസ് ഒന്നുമല്ലാതെയായി പോകുന്നു. കേന്ദ്രത്തിലും സംസ്ഥാനത്തിലും കോൺഗ്രസിന് അനുകൂലമായ രാഷ്ട്രീയ സാഹചര്യം ഉപയോഗപ്പെടുത്തണമെന്നും കെ.സുധാകരൻ പറഞ്ഞു.
കോണ്‍ഗ്രസിന്റെ സംഘടനാശേഷി ശക്തിപ്പെടുത്തേണ്ടത് ആവശ്യമാണെന്ന് കെ സുധാകരന്‍ പറഞ്ഞു. നിലവിലെ സംഘടനാശേഷി കൊണ്ട് പാര്‍ട്ടിക്ക് തെരഞ്ഞെടുപ്പിനെ നേരിടാന്‍ ആകില്ല. രാഷ്ട്രീയ സാഹചര്യം ഉപയോഗപ്പെടുത്താന്‍ കോണ്‍ഗ്രസിന് സാധിക്കണമെന്നും കെ സുധാകരന്‍ പ്രവര്‍ത്തകരോട് ആവശ്യപ്പെട്ടു.
Leave A Comment