തൃക്കാക്കര ഉപതെരഞ്ഞെടുപ്പ്: നേതാക്കളുടെ പിഴവെന്ന് സിപിഎം അന്വേഷണ കമ്മീഷന്‍
കൊച്ചി: തൃക്കാക്കര ഉപതെരഞ്ഞെടുപ്പില്‍ തോല്‍ക്കാന്‍ കാരണം എറണാകുളത്തെ പാര്‍ട്ടി നേതാക്കള്‍ക്ക് പിഴവ് പറ്റിയതുകൊണ്ടെന്ന് സിപിഎം അന്വേഷണ കമ്മീഷന്‍ റിപ്പോര്‍ട്ട്. മുതിര്‍ന്ന നേതാക്കളായ എ.കെ.ബാലന്‍, ടി.പി.രാമകൃഷ്ണന്‍ എന്നിവരടങ്ങുന്ന സമിതിയാണ് അന്വേഷണം നടത്തിയത്. ഇന്ന് ചേരുന്ന ജില്ലാ കമ്മറ്റി യോഗവും സിപിഎം സംസ്ഥാന സെക്രട്ടേറിയറ്റ് യോഗവും റിപ്പോര്‍ട്ട് പരിഗണിക്കും.
സ്ഥാനാര്‍ഥി നിര്‍ണയത്തിലടക്കമുള്ള പാളിച്ചകളാണ് തോല്‍വിക്ക് കാരണമെന്ന് റിപ്പോര്‍ട്ടില്‍ പറയുന്നു. കെ.എസ്.അരുണ്‍കുമാറിന്‍റെ പേരില്‍ പ്രത്യക്ഷപെട്ട ചുവരെഴുത്തുകള്‍ അണികള്‍ക്കിടയില്‍ ആശയക്കുഴപ്പം ഉണ്ടാക്കി. എറണാകുളത്തുനിന്നുള്ള സംസ്ഥാന നേതാക്കള്‍ക്കടക്കം പിഴവ് പറ്റിയെന്നും റിപ്പോര്‍ട്ടിലുണ്ട്.
കഴിഞ്ഞ മേയില്‍ നടന്ന ഉപതെരഞ്ഞെടുപ്പില്‍ 25000ല്‍ അധികം വോട്ടുകള്‍ക്കാണ് സിപിഎം സ്ഥാനാര്‍ഥിയായ കെ.എസ്.അരുണ്‍കുമാര്‍ കോണ്‍ഗ്രസ് സ്ഥാനാര്‍ഥിയായ ഉമാ തോമസിനോട് തോറ്റത്.
Leave A Comment